Балтабай Сейтмамыт

1950 жылы 11 сәуірде Алматы облысы Жамбыл ауданының Қастек ауылында дүниеге келген. М. Әуезов атындағы Мемлекеттік академиялық театрдың жанындағы театр студиясын (1971) театр және кино актері мамандығы бойынша; Т. Жүргенов атындағы Қазақ мемлекеттік театр және кино институтын (1996), драма және кино режиссері мамандығы бойынша бітірген. 1974 жылдан С.Сейфуллин атындағы Қарағанды облыстық драма театрының актері. 1976 жылдан - Ғ.Мүсірепов атындағы Қазақ мемлекеттік балалар мен жасөспірімдер академиялық театрының актері. 1978 жылдың маусым айынан - «Гүлдер» республикалық ансамблінің актері. 1978 жылдың қыркүйек айынан - М.Әуезов атындағы Қазақ мемлекеттік академиялық театрының актері. 1984 жылдан бері - Ғ. Мүсірепов атындағы Қазақ мемлекеттік балалар мен жасөспірімдер академиялық театрының актері.