Kaztube мультимедиялық порталы YouTube күміс батырмасын алды

Kaztube видеопорталының басты міндеттерінің бірі -  отандық киноиндустрияның дамуына және таралуына қолдау білдіріп, қазақ тілді контенттің өсуіне оң әсер ету. Елдегі кино әлемде орын алған соңғы жаңалықтар мен хабарландырулар, тұсау кесерлер мен премьералар жайында да дәл осы порталдан білуге мүмкіндік бар. Оған қоса, кинокартиналар туралы топтамалар мен отандық фильмдердің жеткен  шетелдегі жетістіктері туралы айтылады. 

Жақында ғана видеопортал шетелдік Netflix және Megogo жүйесінің типіне ұқсас жаңашылдықтарды енгізген болатын. Сайттан қазақстандық және қазақ тіліне аударылған сериалдар, мультфильмдер, танымдық бағдарламалар, деректі фильмдер және т.б. жобаларды тамашалауға болады.