Размер шрифта:

Цветовая схема:

19 шілде, 202112

Отандық актрисаның шетелдік жобалар топтамасы

Танымал актриса әрі кино әлемінің нағыз шебері Жанна Қуанышеваның кино карьерасы кімді де болса таңқалдырмай қоймайтыны анық. Сол сепбеті де арнайы сіздер үшін отандық актрисаның еңбек жолындағы қазақстандық шығармалары мен шетелдік жобалары жайында топтама дайындаған болатынбыз.

«Лети журавлик»

Кинолента пионер болуды армандайтын үшінші сынып оқушысы Тұяқтыңң өмірі мен орын алатын әртүрлі шытырман оқиғалар туралы лирикалық әңгіме. Ол аңшы атасын қатты жақсы көреді, оның әңгімелері мен ертегілерін ерекше ықыласпен құлақ салып тыңдайды, сұлулықты бағалай біледі. Әрқашан барлық жерде тек әділдік пен шындықты қолдайтын Тұяқты үлкендер мен оның ұстаздары еш түсінген емес. Фильмді түсірген режиссерлер: Талғат Қазыбеков пен Қанымбек Қасымбеков. Сценарий жаздырған авторлар: Тамбай Нұрмағамбетов. Операторлық жұмыстарды Әубәкір Сүлеев орындаған. Фильмде рөл ойнағандар: Куляй Мураталиева, М. Тайжанов, Жаннат Қуанышева, Нұрмұхан Жантұров, Нұрсұлтан Назарбаев және басқалары.

«Человек на мотоцикле»

Ахан есімді жас шахтер мотоциклші. Өзінің  әуестенеді. Таудағы жорықтардың бірінде ол браконьерлерді қылмыс орнында суретке түсіреді. Қауіп пен шантажға қарамастан, Ахан қылмыскерлерді әшкерелеуге тырысады. 1986 жылы жарыққа шыққан кинокартинаға Сапарғали Сүлейменов режиссерлік еткен болатын. Сюжеттік желінің авторы - Рустам Ибрагимбеков. Әбілтай Қастеев операторлық еткен жобада түскен актерлер қатарында: Жан Байжанбаева, Бекболат Османходжаев, Нұржұман Ихтымбаев, Болат Қалымбетов, Кеңес Нұрланов, Балтыбай Сейтмамұтов, Жамбыл Құдайбергенов және басқалары бар. Дыбысты өңдейтін - Гуляндан Шутанова, ал композиторы - Эдуард Артемьев.Қоюшы суретшісі ретінде Александр Дериганов жұмыс атқарған.

«Трое»

«Трое» - режиссер Исидор Анненскийдің сценарийі бойынша қойылған кеңестік көркем фильмі. Максим Горькийдің дәл осындай романының экрандалуы. Картинаның түсірілім жұмыстарыы М. Горький атындағы киностудияның павильондарында және Калуга қаласындағы киноэкспедициясында түсірілген болатын. Кинолентадағы дебют жасаған жас актерлермен қатар фильмде сахна мен кинематографтың атақты шеберлері де жұмыс істеген. Картина әрқайсысы өздері үшін өмірлік басымдықтарды анықтаған үш жас жігіттің тағдыры мен өз болашағы үшін таңдаған қиын таңдауы туралы баяндайды. Рөлде ойнағандар: Федор Никитин, Ольга Гаспарова, Лидия Королева, Александр Мартынов, Юрий Пузырев, Нонна Терентьева, Николай Парфенов, Лариса Гордейчик және басқалары.

«Step, A»

Фильм 1959 жылы Мәскеу мен Токиода түсірілген. Кейко есімді жапондық әйел, екі баланың анасы және кеңес ғалымы. Иммунолог Гусев, полиомиелитке қарсы вакцинаны жасаушы, екі елдің шенеуніктерінің бюрократиялық қарсылығына қарамастан, Жапонияға жаңа дәрі жіберуге тырысып бағады. Осылайша 10 миллионнан астам жапон баласы өмір мен өлімнің арасында арпалысып, аман қалады. Картина керекті шынайы деректер бойынша түсіріліп, жүзе асқан. Картинаны ресейлік Александр Митта есімді режиссер түсірген болатын. Сценарий жазған киногерлердің ішінде: Владимир Цветов, Виктор Мережко, Есики Ивама және фильм режиссері Александр Миттаның өзі бар. Операторлық жұмыстарды Валерий Шувалов атқарған. Композиторлық қызметте Игорь Кефалиди және Игорь Назарук. Қоюшы – суретшілері:  Игорь Лемешев, Владимир Фабриков және Киеси Хонда бар. Фильмдегі басты рөлді ойнағандар: Олег Табаков, Андрей Харитонов, Детлеф Кюгов, Жанна Қуанышева, Комаки Курихара, Леонид Филатов, Елена Яковлева, Рети Огасавара, Владимир Ильин, Такэтоси Найто, Вера Трофимова, Сергей Марин, Акира Кумэ, Масаки Тэрасома және басқалары бар.

«Клещ»

«Клещ» - кеңестік кинематографиясының соңғы кезеңдері мен кино өндірісінің жаңа  дәуірі заманындағы бастапқы уақыттармен тұспа- тұс келген ерекше дүние әрі мүлде басқаша түсірілген жаңа жоба. «Голливуд» стилі, авторлық киноға деген талап, кеңестік мораль, қайта құру, әшкерелеу жолдары тура көрсетілген! Жас режиссерлер Баранов пен Килибаевтың жұмысы. Олар Голливудтағыдай түсіруді біледі, саспенстің әдістерін игерген! Бұл сол замандағы нағыз батыстық экшн-фильм болып саналады.

«Кене» туындысы шын мәнінде де голливудтық эфектілерден кенде емес жоба ретінде түсірілген. Картинадағы полицей көлігінің қирауы көрсетілген кадрдың өзі сол кезеңдегі біраз туындылар мен картиналарды шаңда қалдыратыны анық еді. Кейіннен бізге фильмнің басты кейіпкері сөз емес істің адамы болған әбден шыныққан ер адамды көрсетеді. Капитан Ахтановты өлім қылмысы бойынша қудалайды. Әлбетте, бұл тек жала еді. Мейірімді бастығы істі жауып, Ахатановқа жол апатына түскен милиция қызметкерлерінің ісін зерттеуге рұқсатын береді. Бұл жол апатының артында үлкен қылмыстық топтың бар екендігін әлі ешкім де білмейді. Олар қауіпті заттар мен есірткі тасымалдайтын үлкен тобы болады.

Жас режиссерлердің голливудтағыдай түсіруге деген қарапайым ниеті көрінеді. "Кене" кинолентасы қарапайым кеңестік фильмнен гөрі шебер жасалған. Қызықты кадрлар, энергиялы монтаждау. Жалғыз бір қаһарман үлкен қауіпті мафияға қарсы. Күрес трюктары, керемет авто-қуулар, саспенстің "кейбір" көріністеріндегі Хичкоку мен Де Пальмаға өте шебер еліктеуі байқалады. Шеберлердің әдістері қарапайым, көп түсінусіз алынған, бірақ адал әрекет есептеледі. Бұл ретте Баранов пен Килибаев триллер тәсілдерімен алған сияқты қарапайым, қайта құру киносының тұзағына түсті. Олар "нағыз өнер", авторлық фильм ойнауға азғырудан құтыла алмады.

Бұл ретте Баранов пен Килибаев қарапайым, қайта құру киносының тұзағына түсіп, триллерлік тәсілдерді алғандай болды. Олар авторлық фильмді белгіленген ережелері бойынша түсіре алды. Ұзақ жоспарлардың қажеті жоқ, уақытты ұзартатын мағыналы кідірістер көп болды.

Жалпы, "Клещ" деп аталатын кинолентасы тамашалауға өте қызықты. Ол оны тудырған уақыт сияқты қайшылықты. Жақсы ниет, ынта-жігер және өте шебер актрелік құрам картинаның сапалы шығуына айтарлықтай үлес қосатыны рас. "Әлемдік стандарттар" бойынша жасауға деген ұмтылыс сол замандағы ерекше туындыны жарыққа шығаруға бір мүмкіндік бергені анық. Хичкок сияқты ниет және Баранов пен Килибаев нәтиже сияқты қайсы көрерменді болса да бей-жәй қалдырмайтыны сөзсіз. Фильмді түсірген режиссерлер қатарында: Бақыт Килібаев және Александр Барановтар бар. Операторы - Николай Кириенков, композиторлық жұмысты Елена Дединская мен Андрей Сигле орындаған. Сюжеттік желіні жазғандар: Александр Баранов пен Бақыт Килібаев. Кинолентаның қоюшы суретшілері - Алина Сабитовлан және Алексей Розенберг. Актерлер қатарында: Сергей Попов, Сергей Смирнов, Әбдірашид Әбдірахманов, Алика Смехова, Шакырт Жақсыбаева, Валентин Сорокин, Қасым Жақыбаев, Владимир Толоконникова, Жанна Қуанышева, Сейтметов Раимбек, Александра Александровна, Хаталиев Алисултан, Жанас Ысқақов, Иван Керсек, Леонид Димаков, Скориков Валерий, Алтайбаева Шолпа, Жанна Қуанышева, Гульшад Омарова, Байкен Бельбаева және тағы да басқалары.

«Женская тюряга»

Қасіреттің шынайылығы бойынша Серікбаев осы жанрдың шетелдік картинаның шебері Эдвард Кан және еурохоррор королі Джесс Франко сияқты танылған шеберлерінен асып түсті. Бұл таңқаларлық картина № 1 Алматы тергеу изоляторында және Шымалған әйелдер түрмесінде түсірілген болатын. Басты кейіпкердің рөлін белгілі қазақстандық сұлу актриса Венера Нигматулина сомдап шыққан болатын. Мадина Галиева сүйіктісінің әдемі сөздеріне сүйеніп, қылмыс жасап, түрмеге, содан кейін колонияға түседі. Ал ол жердің өзіне тән қатал әрі жантүршігерлік  заңдары бар. Лагерлік қорлықтан  өзін – өзі қорғай бастаған Мадина өзін сақтап қана қоймай, басқа тұтқын әйелдерді үшін де жауап бере алады, сонымен қатар сол жерде өзінің шынайы махаббатын кездестіреді. Мадинаның өмір жолында буч Монах кездескенше, мұндай қоғам арасында махаббат табу өте қиын болады. Ленинградтық актриса Наталья Журавельдің орындауындағы Монах-бұл Василевский фильмінен өсіп, өз таңдауын жасаған Дубравка. Лина Бракните 1967 жылғы республикалық кинофестивальде үздік әйел рөлі үшін марапат алған болатын, ал Наталья Журавель 1992 жылы "Киношоктан" үздік ер рөлі үшін аранйы сыйлыққа ие болған еді. Картинаны түсірген режиссер - Жанна Серікбаева. Сюжеттік желіні жазғандар: Нина Филиппова және Жанна Серікбаева. Операторлық жұмысты орындаған: Қанат Сартов және Сапар Қойшыманов. Киноактерлер: Венера Нығматулина, Владимир Толоконников, Ольга Жемчужная, Татьяна Орлова, Наталия Журавель, Ольга Калмыкова, Надежда Матушкина, Елена Аминова, Жанна Куанышева, Райхан Айткожанова, Алиман Жангорозова, Римма Шибаева, Людмила Баранова, Валентина Игнатьева, Елена Кашлева, Екатерина Жемчужная, Елена Дуплякова, Рая Героева және басқалары.

«Әбілқайыр Хан»

Тахауи Ахматовтың "Ант" драмасының желісі бойынша. Картина он сегізінші ғасыр кезңін бейнелейді. Қазақ халқының үлкен тарихы немесе жер бетінен ұлт ретінде жоғалып кетуі мен Ресей құрамына кіруі жайында суреттелген кинокартина. Мұндағы оқиға желісі Әбілхайыр хан мен ханшайым Бопе арасындағы қайғылы махаббат қарым-қатынасы туралы баяндалады.

Кино туындының режиссері - Виктор Пусурманов. Хикаяның сюжеттік желісін жазған сценарист Ермек Тұрсынов. Операторлық жұмыста Николай Кириенков. Композиторлық қызметте - Қуат Шілдебаев. Қюшы – суретшісі - Б. Жүнісбеков. Киноактерлер құрамында: Жанна Қуанышева, Тұңғышбай Жаманқұлов, Тілектес Мейрамов, Марат Әзімбаев, Асылболат Исмағұлов, Арман Асенов және басқалары.

«Кодекс молчания»

«Кодекс молчания» деп аталатын көркем фильмі, режиссер Зиновий Ройзманның детективті триллері. Теледидар нұсқасында ол "Айдың қараңғы жағында" деген атпен танымал, барлығы төрт сериядан тұрады. Джордж Вайнер мен Леонид Словиннің "Айдың қараңғы жағындағы өмір" әңгімесі негізінде түсірілген. Телевизиялық нұсқасы 1990 жылы 8 қарашада — 1 және 2 серия, 1990 жылы 9 қарашада — 3 серия, 10 қарашада — 4 серияэфирге шығып, көрерменнің назарына ұсынылған болатын. Араға уақыт өте келе  «Үнсіздік кодексі 2: қара балықтың ізі» фильмінің жалғасы түсірілген болатын. Фильм Шараф Рашидовтың отаны Джизак қаласында және Ташкентте 1980 жылғы Мәскеу жазғы Олимпиадасында өткен болатын. Джизак маңында, "Чиройли" жазғы кафесінде Джизак облысы қылмыстық іздестіру бастығының орынбасары майор Андрей Пакқа қарулы шабуыл жасалады. Онымен бірге жүздеспек болғаны үшін Сабиржан Артыков есімді адам қайтыс болды. Бұл шабуылды зерттей отырып, фильмнің бас кейіпкері, подполковник Тур Саматов алдымен облыстық қылмыстық іздестіру қызметінен айрылады, содан кейін мейрамхана директоры, бұрынғы құқық қорғау органдарының қызметкерлері, Өзбек КСР — нің жоғары лауазымды тұлғаларының туыстары және тікелей бастығы Саматова-полиция генерал-майоры Агзамов кіретін жергілікті халық комиссариатының бақылау және бопсалау объектісіне айналады. Тур Саматов және оның досы және бұрынғы бағыныштысы Валентин Силов — органдардан қуылған бұрынғы жедел уәкіл-жергілікті полицияның сыбайлас жемқорлық туралы білгеннен кейін мафиямен күресті бастайды. Кинофильмнің басты рөлдерінде: Бекзод Хамраев, Жанна Қуанышева, Александр Фатюшин, Мелис Абзалов, Ирина Шевчук, Ходжиакбар Нурматов, Паул Буткевич, Нәби Рахимов, Шухрат Иргашев, Бекзод Мухаммадкаримов, Мурад Раджабов, Ульмас Юсупов, Ато Мұхамеджанов, Фархад Хайдаров, Назым Туляходжаев, Джавлон Хамраев және басқалары бар. Шығармашылық топқа назар салсақ. Картинаның режиссері - Зиновий Ройзман. Сценарий авторы - Георгий Вайнер, Зиновий Ройзман және Леонид Словин. Операторы - Леонид Травицкий, ал әуенмен әрлеген композитор әрі музыкант - Евгений Ширяев. «Узбекфильм» киностудиясы түсірген кинолента 1989 және 1990 жылдар аралығында түсіріліп, үлкен экрандардан көрсетіле бастаған болатын.

«Перекресток»

Киноның басты кейіпкері Ғалия Исмаилова жедел жәрдем қызметкері. Ол қандай жағдай болмасын өз емделушілері мен пациенттерін аман алып қалып, оларды құтқару үшін әрқашан қолдан келгеннің бәрін жасауға дайын тұрады. Оны жеке өмірінде біршама қиындықтар да жоқ емес. Ғалия өз күйеуіне кетіп қалған, алайда күйеуі кішкентай баласын тартып алмақ үшін барлық қу әрекеттерге бармақшы. Ғалияның көңілін жауламақ болмаған адал әрі қамқор судья Искандер пайда болады. Бірақ бір жағдай олардың өміңрін күрт өзгертіп жібереді. Ғалия Исмаилова шұғыл шақырту қабылдайды. Басқаның өмірін сақтап қалу үшін асыққан Ғалия көлік жүргізушісі Степан Егоровичті дұрыс істемейтін ақауы бар көлікпен жүруге көндіреді. Басқаның өмірін құтқарамын деп өзгенің өмірін алған сұмдық жол апатына ұшырайды. Жүргізуші Степан сот алдына келеді. Ал ол іске төрелік ететін Ғалияның ғашығы Искандер болады.

Фильмді түсірген - Дмитрий Астрахань. Оқиғалық желіні жазған - Олег Данилов. Продюсерлік бойынша істерге жауапты болғандар қатарында: Леонид Ярмольник, Михаил Москалев және Андрей Гранкин. Әуенмен әрлеген - Андрей Макаревич пен Алексей Григорьев сынды музыканттар. Қоюшы суретші бойынша жауапты мамандар: Игорь Щелоков және Олег Молчановтар бар. Басты рөлді сомдағандар: Леонид Ярмольник, Олег Корчиков, Александр Ефремов, Ольга Самошина, Александр Коваленко, Алексей Колокольцев, Анна Легчилова, Виктория Ершова, Ольга Беляева, Геннадий Свир, Жанна Қуанышева және басқа актерлер де бар.

«Саранча»

Қазақстанның Ұлттық қауіпсіздік комитетінің есірткі трафигінің жолын кесу бойынша операция жасалды. Қылмыстық билік Бек есімді Арыстан Бапишев "шегірткеге" қарсы улы химикаттар түріндегі есірткінің ірі партиясын өткізуді шешеді.  Сонымен қатар, Бек есірткіге қарсы күрес орталығын ашады. Алайда, қалада оған қарамастан, жаңа hell 1 препаратын сату басталады. ҰҚК мен милицияның тергеушісі Искандер Чингизов пен Бек есірткі саудасымен айналысқан топтың ізіне түседі. Алайда, ержүрек тергеушінің өзі оның қызметкерлерінің арасында сатқындардың өріп жүргендігіне күмән келтіреді. Фильмді режиссерлегендер қатарында: Галина Ефимова және Алексей Григорьев бар. Сценарий жазғандар: Михаил Беляков, Альбина Ахметова, Оксана Бондаренко және Зәуреш Ерғалиева. Басты кейіпкерлердің рөлін сомдағандар: Юрий Капустин, Төлеубек Аралбай, Жанна Қуанышева, Асанәлі Әшімов, Ирина Лебсак, Сая Есмурзаева, Данагүл Темірсұлтанова, Ольга Коржева, Игорь Личадеев, Тимур Мақажанов, Марианна Покровская, Мұрат Нұрасылов, Ержан Жарылқасынұлы, Ментай Өтепбергенов, , Азамат Сатыбалды, Болат Әбділманов және тағы да басқалары.

«Обратная сторона»

Оқиғаның басты кейіпкері өз өмірін сен және мен сияқты жақсы көреді. Ол болашағын жарқын әлемнен елестетіп, армандайды. Көп мақсаттарға қол жеткізгісі келеді. Бірақ оның өмірі бір оқиғадан кейін басқа арнаға ауысады. Өмірінде қара жолақтар пайда болады. Бек есімді жанның фильмнің басты кейіпкерінің өмір жолын соншалықты ауыстырып жібереді. Оқиғаның басты кейіпкері енді артқа жол жоқ екенін ұғынады. Онымен не болып жатқанын ешкім де түсінбейді. Әйелі, туыстары, достары мен қарсыластары ұғына бермеді. Кинофильмнің режиссер - Қуат Исаев. Сценарий жазғандар: Марина Құнарова  және Айдар Еспенбетов. Операторы - Павел Казаков. Композиторлары қатарында: Ерлан Хайрушев және Асан Мәжит. Фильмде ойнағандар: Санжар Мәди, Дмитрий Дюжев, Виталий Куприянов, Мұрат Жарылқасин, Аша Матай, Дмитрий Скирта, Болат Әбділманов, Максим Акбаров, Ирина Капустина, Жанна Қуанышева және басқалары.

 

Автор:  Уйсунбай Жаннура

Фото:  http://kino-teatr.ru

Поделиться
Для корректного отображения страницы пожалуйста отключите блокировщик рекламы